Српските медицински работници реагираат: Луѓето кои играа оро треба да дојдат на Инфективната, сцените потсетуваат на оние од партизанските филмови

Во Белград на Савскиот плоштад кај споменикот на Стефан Немања синоќа голема група луѓе играа оро, што е спротивно на анти-епидемиолошките мерки.

View this post on Instagram

A post shared by MOJ BEOGRAD (@moj_beo_grad)

Денеска со реакција се јавија повеќе медицински работници.

– Што да кажам со слободни зборови – ние во Брзата помош и сите други лекари изгинавме. Јас сум малку резигниран за она што се случува во нашата земја. Ние сме надвор на теренот и гледаме што се случува во градот. Искрено, ова играње оро, терањето инает и шеги не знам за што служи, изјави Д-р Александар Стијачиќ од Брзата помош во Белград.

Тој додаде дека овие луѓе требаше да дојдат синоќа на Инфективната клиника за да видат како само изгледа, сцените потсетуваат на оние од партизанските филмови – трагедија е тоа како изгледа.

– Луѓе таму чекаат на ред, многу болни, имавме 140 или 150 повици, сите сме во скафандери, сите клиники во Белград се во ковид системот, освен Ургентниот центар и Воено-медицинската академија, возиме пациенти низ Србија, рече Стијачиќ.

Професор д-р Радмило Јанковиќ, заменик директор на Клиничкиот центар во Ниш, побара од државата да ги преземе работите во свои раце.

– Повторно еден апел. Ова однесување е целосно неприфатливо. Можете да замислите здравствени работници кога гледаат такво однесување. Во меѓувреме, беше неприфатливо да се одржат концерти. Вчера видовте сцени кои навистина не ни служат на честа како општество. Ако дојдовме до тоа да не проучуваат за неколку години во учебниците за епидемиологија како нешто што не треба да се прави, тоа се случи синоќа пред старата железничка станица. Ова е руски рулет кој луѓето го играат со своето здравје, изјави Јанковиќ.