Труење со јаглерод моноксид – потврдена причината за смртта на осумте тинејџери

Труење со јаглерод моноксид е причината за смртта на осумте млади во викендичка во близина на Посушје за новогодишната ноќ потврди анализата на вештачењето на резултатите од обдукцијата.

„Анализите потврдија дека кај сите осум лица во крвта е пронајдено количество на јаглерод моноксид кое е смртоносно“ – објави главниот жупаниски истражител Јосип Анчиќ.

Со ова се потврдуваат првичните претпоставки за причините за смртта во трагичниот инцидент кој го потресе регионот. На вештачење беше испратен и агрегатот кој го испуштал плинот од кој се задушија четирите девојки и четирите момчиња.