Јапонија се надева дека ќе ја продлабочи соработката со администрацијата на Бајден

Јапонскиот министер за надворешни работи Тошимицу Мотеги изрази надеж дека Јапонија ќе го продлабочи својот сојуз со новата американска администрација и ги повика САД да бидат посветени на безбедноста во Индо-пацифичкиот регион и други клучни меѓународни прашања.

Говорејќи за јапонската дипломатија во Националниот прес клуб во Токио, Мотеги изрази надеж дека неговата земја ќе продолжи да соработува со администрацијата на Бајден, истакнувајќи дека Јапонија ќе мора да преземе поголема одговорност во Јапонско-американскиот безбедносен сојуз, со оглед на тоа дека Америка се повеќе е насочена кон економски прашања и надминување на поделбите во американското општество.

– Тоа значи зајакнување на јапонските воени потенцијали, а не само поголеми издвојувања за американските воени бази во Јапонија, рече шефот на јапонската дипломатија.