704 новозаразени и деветмина починати од Ковид-19 последните 24 часа

Во Косово во изминатите 24 часа се регистрирани девет починати и 704 новозаболени од Ковид-19, а во истиот период како излекувани се евидентирани 391 пациент.

Според последниот извештај на Националниот институт за јавно здравство на Косово, заедно со последните случаи, во земјата досега како последица на болеста починале 948 од вкупно 36.253 лица кај кои е откриен вирусот од појавата на епидемијата.

Болеста досега ја совладале 22.137 лица кај кои е откриен вирусот, а активни во моментов, според официјалните податоци, се 13.168 случаи.

Вчера се извршени 1.651, а вкупно досега 135.969 тестирања со методот РТ-ПЦР.