пред 3 години 
Британската поетеса и драматург Керол Ен Дафи е овогодинашна добитничка на Златниот венец на Струшките вечери на поезијата (СВП), соопшти денеска амбасадорката на Северна Македонија во Париз и претставник во УНЕСКО, Јадранка Чаушевска-Димов. Амбасадорката во текот на одбележување на 100-годишнината на раѓањето на Блаже Конеси, официјално ги објави имињата на лауреатите на „Златниот венец на Струшките вечери на поезијата” и на наградата „Мостови на Струга“.
Керол Ен Дафи, родена во Глазгов во 1955 година, е една од најзначајните современи поетеси во Велика Британија, авторка на педесетина книги и досегашна добитничка на значајни книжевни награди и високи одликувања, меѓу кои и почесните титули Дама-заповедник на Редот на Британската Империја (2015) и Поет-лауреат на Обединетото Кралство (2009-2019). Таа е прва жена британска поетеса лауреат, исто така е првиот шкотски и првиот јавен ЛГБТ уметник.
Наградата за дебитантска поетска книга доделена во соработка со УНЕСКО, „Мостови на Струга“, му припадна на Владан Кречковиќ, роден во Белград во 1988 година. Наградената книга Париз,Тексас, насловена според култниот филм на Вим Вендерс, на еден мошне суптилен и непретенциозен начин говори за љубовната разделба без патетика и нуди поинаква перспектива на оваа вечна тема.
Би можело да ве интересира
Мицкоски и Николоски се сретнаа со британската амбасадорка Галовеј
ВИДЕО: И годинава гужви по струшките улици, за традиционалната литија
Почина академик Богомил Ѓузел
(Видео) Во УНЕСКО чествување на 100 годишнината од раѓањето на Блаже Конески
Чествување на 100-годишнината од раѓањето на Блаже Конески во седиштето на УНЕСКО
Во седиштето на УНЕСКО во Париз утре ќе се чествуваат 100 години од раѓањето на Блаже Конески
Дванаесетто издание на „Вечери на женски права“
Почна вакцинацијата против Ковид-19, голем дел од новозаразените се со британската мутација
Влада: Ќе се донесе ДУП за охридското крајбрежје и нема да се гради ски-центар на Галичица