Малолетен пешак тешко повреден во сообраќајка во Виница

Малолетен пешак е тешко повреден на улицата „Ванчо Прке“ во Виница откако во него удрило патничко возило „ланд ровер“, со винички регистарски ознаки, управувано од 67-годишниот С.М. од село Градец.

Како што соопшти МВР, сообраќајката била пријавена вчера во 10.30 часот во Полициската станица Виница.

-Во незгодата пешакот се здобил со тешки телесни повреди, констатирани во Клиничкиот центар Штип, наведуваат од МВР.

Извршен бил увид на местото на незгодата од увидна екипа од Полициската станица Виница.