ВИДЕО: Руски товарен брод потона крај брегот на Турција, двајца морнари се удавиле

Најмалку пет лица се спасени, а две лица загинаа во потонатиот 13-член руски товарен брод крај брегот на турската црноморска провинција Бартин.

-Пет лица се спасени од рускиот товарен брод, изјави гувернерот на Бартин, Синан Гунер, цитиран од агенцијата Анадолија.

Bartın’da kuru yük gemisi battı, gemi mürettebatını kurtarmak için çalışma başlatıldı

— gzt (@gztcom) January 17, 2021

Од руската Амбасада во Анкара за Тасс изјавија дека дипломатите работат на утврдување на судбината на екипажот, а причината за несреќата засега е непозната.

Во меѓувреме, пристигнаа лоши вести, откако гувернерот Гунер соопшти дека загинале најмалку две лица од бродот.

-На бродот имаше 13 лица, сите руски државјани. Досега знаеме дека пет лица се спасени и пронајдовме две тела на починати морнари, изјави гувернерот.