Наваљни бара од Москва да ги предаде неговите алишта како доказ

Критичар на Кремљ Алексеј Наваљни побарал денеска од руските власти да ја предадат облеката во која бил кога минатиот месец паднал во кома и ја обвинил Москва за скратување на важен доказ во неговиот случај. Наваљни рекол дека му е одземена облеката пред да е префрлен во Германија на лекување од Сибир откако му се слошило во авион, пренесува Ројтерс. Германија соопштила дека тестовите се извршени во три земји за да утврдат дали Наваљни е отруен со нервен агенс новичок поради што Запад побарал објаснување од Русија. “Пред да ми дозволат да заминам во Германија, тие ми ги соблекоа сите алишта од мене и ме пратија целосно гол“, напишал Наваљни на својот веб-сајт. “Со обзир на тоа дека новичок е пронајден на моето тело и дека е вероватна инфекција при контакт, мојата облека е многу важен доказ“, смета тој. Русија соопштила дека и се потребни повеќе докази за да покрене формална кривична истрага во случајот на Наваљни и побарала од Германија да и ги предаде медицинските податоци како би можела да ги разгледа. Таа наместо истрага, подигнала предистражна постапка која трае 30 дена, а кои спрема зборовите на Наваљни тоа е  начин ги скријат важните докази.

Извор: vecer.mk