пред 3 години Претседателите на САД и Турција, Џо Бајден и Реџеп Таип Ердоган, во петокот, во нивниот прв телефонски разговор, договориле состанок на маргините на самитот на НАТО во јуни.
Ова е прва официјална комуникација меѓу двајцата лидери, три месеци по стапувањето на функција на новиот американски претседател.
Извор запознат со разговорот, за „Ројтерс“ изјавил оти Бајден му рекол на Ердоган дека има намера да го признае масакрот врз Ерменците во Отоманската империја во 1915 година како геноцид, што е одлука што може да ги влоши веќе затегнатите односи меѓу двете членки на НАТО.
Сепак, оваа информација не е спомената во соопштенијата на Белата куќа или од канцеларијата на турскиот претседател.
Белата куќа соопшти дека Бајден изразил интерес за конструктивни билатерални односи со проширени области на соработка и за ефикасно управување со несогласувањата.
Од Кабинетот на турскиот претседател соопштија дека двајцата лидери се согласиле за стратешката природа на билатералните односи и важноста на заедничката работа за градење на поголема соработка за прашањата од заеднички интерес.
Би можело да ве интересира
Бајден оствари телефонски разговор со Абас и Нетанјаху
Ердоган за изјавите дека е диктатор: Италијанскиот премиер е дрзок и нема почитување
Бајден не смееше така да зборува за Путин, смета Ердоган
Телефонски разговор меѓу Вучиќ и Путин, главна тема вакцината „спутник В“
Прв телефонски разговор меѓу Путин и Бајден
Темелно чистење на Белата куќа пред доаѓањето на новите станари
Ердоган и Рама: Нема да дозволиме ФЕТО да ги труе односите меѓу Турција и Албанија
Грција во 2020 година: Тензично со Турција, мигрантите го запалија кампот Мориа, а Златна зора заврши во затвор
Ердоган го повика Бајден да ги поттикне американско-турските односи