Претседателски избори во Молдавија – за и против приближување кон ЕУ

Во Молдавија денеска се одржуваат претседателски избори, на кои се кандидираа и сегашниот, проруски претседател Игор Додон и поранешната премиерка Маиа Санду, која се залага за поблиски врски со ЕУ.

ЕУ и Русија се борат за влијание во 3,5-милионската Молдавија, која, како и другите неразвиени европски земји, западна во сериозна економска криза за време на пандемијата на коронавирусот.

Игор Додон ја презеде функцијата претседател во 2016 година по падот на прозападната политичка партија, која беше компромитирана од бројни скандали.

Маиа Санду дипломирала на Харвард, поранешен економист на Светска банка, позната како лут противник на корупцијата и лидер на коалициска влада, која минатата година само за кратко успеа да остане на власт.

Германската министерка за одбрана Анегрет Крамп-Каренбауер, блиска соработничка на германската канцеларка Ангела Меркел и на поранешниот претседател на Европскиот совет, Доналд Таск, испрати порака за поддршка на Санду, која група приврзаници на Додон ја опишаа како „обид за дестабилизација на Молдавија“.