СДСМ: Мицкоски глуми дека е за членство во ЕУ

„Три години губитникот Христијан Мицкоски и неговото ВМРО-ДПМНЕ правеа се за да го отежнат патот на државата кон ЕУ и НАТО, а денес истиот тој Мицкоски глуми дека е за членство во ЕУ,“ велат од Социјалдемократскиот сојуз во реакцијата на вечерашниот протест на ВМРО-ДПМНЕ во Скопје и пораките од Христијан Мицкоски.

Еве го соопштението од СДСМ во целост:

„Мицкоски и ВМРО-ДПМНЕ беа едниствените кои навиваа Северна, да не добие датум за почеток на преговори, единствените кои блокираа реформи и структурни закони важни за интеграцијата во ЕУ.

Колку Мицкоски навистина е за ЕУ и НАТО говори фактот што најпозитивниот Извештај на Европската комисија го прогласи за лажни вести и што не смогна сили ниту да честита ниту да аплаудира во Собранието на денот кога станавме 30 земја членка на НАТО.

Единствен идеал на Мицкоски е одбрана на криминал и тој е против правдата која што доаѓа.

Бранителот на криминалот и неправдата, Христијан Мицкоски е последниот кој може да зборува за идеалите на великанот Гоце Делчев.

Борбата за социјална правда, солидарноста, меѓусебното разбирање и помагање се непознати категории за Мицкоски кој знае само да брани криминал и да се однесува деструктивно.

Залудна е глумата на Мицкоски, граѓаните знаат дека тој е антизападен и антинароден политичар кој сака да ја врати државата назад во изолација и режим. Затоа граѓаните го казнија на три изборни циклуси и затоа тој и неговото нереформирано ВМРО-ДПМНЕ остануваат во опозиција,“ велат од СДСМ:

Извор: a1on.mk